“လွယ်ကူထုတ်ယူချေးငွေ ရည်ညွန်းပြီး ပြန်အမ်းငွေရနိုင်မယ့် အခွင့်အရေး” စည်းမျဥ်းနှင့်စည်းကမ်းသတ်မှတ်ချက်များ

၁။ “လွယ်ကူထုတ်ယူချေးငွေ ရည်ညွန်းပြီး ပြန်အမ်းငွေရနိုင်မယ့် အခွင့်အရေး”အစီအစဥ်ကာလသည် ၂၀၂၅ခုနှစ် ၊ နိုဝင်ဘာလ (၂၈)ရက်နေ့မှ ၂၀၂၆ခုနှစ် ၊ ဇန်နဝါရီလ (၃၁) ရက်နေ့ အထိ သတ်မှတ်ထားပါသည်။ ဤအစီအစဥ်ကာလအတွင်း လွယ်ကူထုတ်ယူချေးငွေ အသစ်ရယူသော KBZPay Agent/Merchant များအား KBZPay Partner App မှ တဆင့် ချေးငွေလျှောက်ရန် အတွက် Referral ပြုလုပ်ပေးသော KBZPay Agent/Merchant များ ပါ၀င်ခွင့်ရရှိမည်ဖြစ်ပါသည်။

၂။ KBZPay Agent/Merchant များသည် အောက်တွင်ဖော်ပြထားသည့် စည်းကမ်းချက်များနှင့် ကိုက်ညီမှုရှိမှသာ ၎င်း၏ KBZPay Red App Account မှတဆင့် Referral Fee များကို ခံစားခွင့်ရှိမည့် အပြင် အထူးဆု ငွေကျပ် ၁,၀၀၀,၀၀၀ အား Lucky Draw ကံစမ်းခွင့်ရရှိမည်ဖြစ်သည်။

၃။ ဤအစီအစဥ်တွင် ပါ၀င်သည့် KBZPay Agent/Merchant (Referrer) များသည် KBZPay Partner App မှ တဆင့် လွယ်ကူထုတ်ယူချေးငွေလျှောက်သည့် KBZPay Agent/Merchant (Referee) များအား Refer (၁)ခါ ပြုလုပ် ပြီး ချေးငွေအတည်ပြုပြီးတိုင်း ငွေကျပ် (၅၀၀၀)ကျပ်ကို ရရှိမည်ဖြစ်ပြီး Refer များများ ပြုလုပ်လေ Referral Fees များများ ရနိုင်လေဖြစ်ပါသည်။

၄။ KBZPay Agent/Merchant များသည် Referral Fee နှင့် အထူးဆုငွေပေးအပ်/စာရင်းလွှဲပြောင်းချိန်တွင် KBZ Bank နှင့် KBZPay မှချေးငွေများရယူထားပြီး ချေးငွေပေးဆပ်ရန် ပျက်ကွက်နေခြင်း / ပေးဆပ်မည့်ရက်ကျော်လွန်နေခြင်းမရှိသော အခြေအနေတွင်ဖြစ်ရပါမည်။

၅။ အထူးဆု‌ငွေကို Lucky Draw ဖြင့် ရွေးချယ်ခြင်းခံရသော KBZPay Agent/Merchant သည် အပိုဒ်(၄)တွင် ဖော်ပြခဲ့သည့်အတိုင်း ဤအစီအစဥ်မှပေးအပ်မည့် ခံစားခွင့်များအား အကျုံးဝင်မှုမရှိသူဖြစ်ခဲ့ပါက Lucky Draw ဆုရွေးချယ်မှုအား ထပ်မံရွေးချယ်ပေးသွားမည်ဖြစ်ပါသည်။

၆။ ဤအစီအစဥ်မှ ရရှိလာသည့် Referral Fee နှင့် Lucky Draw ဆုကြေးငွေအား KBZPay Agent/Merchant များ၏ KBZPay Red App Account ထဲသို့ ဤအစီအစဥ်ကာလ ပြီးဆုံးပြီးနောက် သတ်မှတ်ထားသော ဘဏ်ဖွင့်ရက် (၇)ရက်အတွင်း ထည့်သွင်းပေးပါမည်။

၈။ ဤအစီအစဥ်ကာလအတွင်း Referral Fees များကိုမူ လွယ်ကူထုတ်ယူချေးငွေရယူရန် refer ပြုလုပ်ပေးသည့် ပထမဆုံး Agent/Merchant (Referee) အယောက် (၂၀၀) အတွက်သာရရှိနိုင်မည်ဖြစ်ပါသည်။

၉။ Referral Fee နှင့် အထူးဆုငွေရရှိသော KBZPay Agent/Merchant (Referrer) များကို သက်ဆိုင်ရာ KBZPay Official Channel များမှ တဆင့် ကြေညာပေးသွားမည် ဖြစ်ပါသည်။

၁၀။ အစိုးရ ရုံးပိတ်ရက်များ သို့မဟုတ် KBZ Bank မှ ထိန်းချူပ်၍ မရနိုင်သော အခြေအနေမျိုးတွင် Referral Fee နှင့် အထူးဆုငွေ ထည့်သွင်းပေးမည့်အချိန်သည် အပြောင်းအလဲရှိနိုင်ပါသည်။

၁၁။ KBZ Bank ဝန်ထမ်းများသည် အစီအစဥ်တွင် ပါဝင်သူများအား ဆက်သွယ်ပြီး လူကြီးမင်းတို့၏ ကိုယ်ရေးအချက်အလက်များ၊ OTP သို့မဟုတ် PIN နှင့် ပတ်သတ်သည့် မည်သည့်သတင်း အချက်အလက်ကိုမျှ တောင်းခံမည်မဟုတ်ပါ။

၁၂။ ဤအစီအစဥ်ကာလအတွင်း မည်သည့် လိမ်လည်လှည့်ဖျားမှုမျိုးကိုမျှ ဆောင်ရွက်ခြင်းမပြုရန် တားမြစ်ထားပါသည်။ လိမ်လည်မှုအား မည်သည့်ပုံစံမျိုးဖြင့်မဆို ကျူးလွန်သည်ဟု သံသယဖြစ်ခြင်းခံရသည့် မည်သူ့ကိုမဆို KBZ Bankမှ ပယ်ဖျက်ခြင်းနှင့်/သို့မဟုတ် ပိတ်ပင်ခြင်း ပြုလုပ်ပိုင်ခွင့်ရှိသည်။

၁၃။ ဤအစီအစဥ်နှင့် ပတ်သတ်၍ KBZPay Agent/Merchant များနှင့် KBZ Bank တို့အကြား အငြင်းပွားမှု တစ်စုံတစ်ရာ ပေါ်ပေါက်လာပါက ထိုအငြင်းပွားမှုအား KBZ Bank ၏ တာဝန်ရှိသူများမှ ပြဌာန်းဥပဒေအရ အသုံးပြုသူများ၏ ရထိုက်ခွင့်ရှိသည့် အခွင့်အရေးအား ထိခိုက်နစ်နာမှုမရှိစေရန် သေချာစွာစိစစ်၍ ဖြေရှင်းဆောင်ရွက်ပေးသွားမည်ဖြစ်သည်။

၁၄။ KBZ Bankသည် မည်သည့်အချိန်တွင်မဆို တစ်စုံတစ်ရာသော အကြောင်းကြောင့် အသိပေးအကြောင်းကြားနိုင်ခြင်းမရှိဘဲ သတ်မှတ်ထားသော စည်းမျဥ်းနှင့် စည်းကမ်းများကို ပြင်ဆင်ပြောင်းလဲခြင်း၊ ရပ်စဲခြင်းနှင့်၊ သို့မဟုတ် အစီအစဥ်အား ပယ်ဖျက်ခွင့်နှင့် အစီအစဥ်နှင့်ပတ်သတ်သော အကျိုးခံစားခွင့် သို့မဟုတ် သွင်ပြင်လက္ခဏာများအား ပြောင်းလဲခွင့်နှင့် သို့မဟုတ် ပြင်ဆင်၊ဖြည့်စွက်၊ ပယ်ဖျက်ပိုင်ခွင့်တို့အား အခြေအနေအရ ပြုလုပ်ဆောင်ရွက်နိုင်သည်။

၁၅။ KBZ Bank အနေဖြင့် တစ်စုံတစ်ရာသောအကြောင်းကြောင့် အသိပေး အကြောင်းကြားနိုင်ခြင်းမရှိဘဲ ဤ အစီအစဥ်အား ပယ်ဖျက်ခြင်း၊ ရပ်စဲခြင်း (သို့မဟုတ်) စည်းကမ်းချက်တစ်စုံတစ်ရာ ပြောင်းလဲခြင်းကြောင့် Agent/Merchant များအနေဖြင့် လျော်ကြေးတစ်စုံတစ်ရာ ရပိုင်ခွင့်မရှိသည်ကို သိရှိသဘောတူပါသည်။

၁၆။ KBZ Bank နှင့်သက်ဆိုင်သော ပုံမှန် စည်းမျဥ်းနှင့်စည်းကမ်းသတ်မှတ်ချက်များလည်း အကျုံးဝင်စေရမည်။

၁၇။ ဤစည်းမျဉ်းနှင့်စည်းကမ်းသတ်မှတ်ချက်များအား ပြည်ထောင်စုသမ္မတ မြန်မာနိုင်ငံတော်၏ ဥပဒေများက လွှမ်းမိုးမည်ဖြစ်ပြီး ယင်းဥပဒေများနှင့်အညီ အဓိပ္ပါယ်ဖွင့်ဆိုရမည်။

၁၈။ KBZ သည် COVID-19 ဖြစ်ပေါ်မှုကြောင့်ဖြစ်စေ သို့မဟုတ် KBZ အနေဖြင့် ထိန်းချုပ်၍မရသော အခြေအနေနှင့်မမျှော်မှန်းနိုင်သော သဘာဝဘေးအန္တရာယ် ဖြစ်ရပ်များ ဖြစ်ပေါ်မှုကြောင့်ဖြစ်စေ ဆောင်ရွက်ထားသည့် မည်သည့်လုပ်ဆောင်မှုမျိုးကိုမဆို အခြေအနေ အရပ်ရပ်ပေါ်မူတည်၍ ပြောင်းလဲခွင့်ရှိပါသည်။ ထိုမမျှော်မှန်းနိုင်သော ဖြစ်ရပ်များ ဆက်လက်ဖြစ်ပျက်နေစဉ် ကာလအတွင်း ဤစည်းမျဉ်းစည်းကမ်း သတ်မှတ်ချက်များတွင် ဖော်ပြထားသော တာဝန်ဝတ္တရားများကို ဖြည့်ဆည်းရန်၊ ထမ်းဆောင်ရန် KBZ သို့မဟုတ် မိတ်ဖက်ဆိုင်များ မှ ပျက်ကွက်ခြင်း သို့မဟုတ် နှောင့်နှေးခြင်းများအတွက် KBZ သို့မဟုတ် မိတ်ဖက်ဆိုင်များ အနေဖြင့် အသုံးပြုသူများ အပေါ်တွင်ဖြစ်စေ သို့မဟုတ် အခြားမည်သည့် လူပုဂ္ဂိုလ်တစ်ဉီးဉီးအပေါ်တွင် ဖြစ်စေ တာဝန်ရှိစေခြင်း သို့မဟုတ် ဤစည်းမျဉ်းစည်းကမ်း သတ်မှတ်ချက်များ အား ချိုးဖောက်ခြင်းဖြစ်သည်ဟု မှတ်ယူခြင်း မရှိစေရပါ။

၁၉။ ဤအစီအစဥ်တွင် ပါ၀င်သူများသည် ဤစည်းမျဥ်းစည်းကမ်းများကို လိုက်နာရန် သ‌ဘောတူပါ သည်။